Z.Hakil Osmani-Pas stuhisë dhe rrebeshit pritet përmirësim i motit

Pas stuhisë dhe rrebeshit të djeshëm, meterologu Hakil Osmani bën me dije në MCN Live se në ditët në vijim pritet një përmirësim gradual i kushteve të motit. E diela pritet të sjellë mot më të stabilizuar, ndërsa i qëndrueshëm do të jetë edhe 10-ditëshi i dytë i qershorit. Sidoqoftë temperaturat pritet të jenë disi më të ulëta se ato që përjetuam në fillim të qershorit. Vendi ynë u përfshi nga një stuhi që solli reshje të shumta në territor. Dita e sotme ka sjellë një stabilizim të motit. Për fat të mirë presim përmirësim të kushteve të motit, duke bërë që edhe fundjava të jetë stabile. Pasditja e të shtunës do të sjellë reshje të pjesshme. E diela do të sjell mot më të përmirësuar. Temperaturat e ajrit ka rënë, por duke filluar nga dita e shtunë e në vijim do të kemi rritje të temperaturave duke bërë që vlerat maksimale të shkojnë deri në 31 gradë celsius. Ditën e sotme temperaturat minimale kanë qenë 9 gradë celsius. Nuk është normale për temperaturat që përjetuan në fillim javë. Këto rrebeshe nuk janë normale, pasi kanë sjellë për 24 orë gati gjysmat e kuotave mujore në vendin tonë. Duke filluar nga e hëna dhe 10-ditëshi në vijim pritet të sjellë mot të qëndrueshëm. Por do të jetë mot më i freskët se ai që përjetuam në fillim të muajit”.