Manjati mediatik Robert Murdoch ka zyrtarizuar fejesën me biologen molekulare ruse në pension Elena Zhukova, 67 vjeç, ka konfirmuar ekipi i tij, shkruan BBC. 92-vjeçari thuhet se ka disa muaj që është në lidhje me biologen molekulare ruse në pension Elena Zhukova, 67 vjeç. Dasma, e cila pritet të bëhet këtë vit në vreshtin dhe pronën e tij në Kaliforni do të jetë fejesa e pestë, por e gjashtë e Murdoch. Ai dha dorëheqjen si kryetar i Fox dhe News Corp vitin e kaluar. Sipas New York Times, e cila dha lajmin, dasma është planifikuar për në qershor dhe ftesat tashmë janë dërguar.
Murdoch, i lindur në Australi nisi të frekuentohej me zonjën Zhukova menjëherë pasi fejesa e tij me Ann Lesley Smith përfundoi papritmas në prill 2023. Ish-gratë e tjera të zotit Murdoch ishin stjuardesa australiane Patricia Booker, gazetarja skoceze Anna Mann, zonja Deng dhe modelja dhe aktorja amerikane Jerri Hall. Zonja Zhukova ishte e martuar më parë me miliarderin rus të naftës Alexander Zhukov, ndërsa vajza e tyre Dasha, ishte e martuar me oligarkun rus Roman Abramovich deri në vitin 2017. Rupert Murdoch filloi karrierën e tij në Australi në vitet 1950, duke blerë përfundimisht gazetat News of the World dhe The Sun në Mbretërinë e Bashkuar në vitin 1969. Ai bleu më pas botime të shumta amerikane, duke përfshirë New York Post dhe Wall Street Journal.
