7 500 tonë mallra në përpunim në Portin e Durrësit

Në portin e Durrësit po përpunohen rreth 7 500 tonë mallra dhe 613 njësi konteinerike. Autoriteti Portual Durrës bëri të ditur se, po përpunohen 2 anije tregtare me 7467 tonë mallra në proces përpunimi, ndërsa 2 anije konteinerike me 613 njësi konteinerike janë në pritje. Me vënien në funksion të sistemit operativ online, Navis 4, ofrohet një standard i ri pune në fushën e përpunimit të kontejnerëve në portin e Durrësit. Porti i Durrësit është më i madhi në vend. Anijet tregtare që transportojnë mallra nga/drejt Durrësit kanë lundruar deri tani nga/drejt 67 porteve në 24 vende të botës. atsh