23 kilometra shtigje të Parkut Kombëtar të Llogorasë janë tashmë të pastruara dhe të pajisura me sinjalistikë informuese. Ministrja e Turizmit dhe Mjedisit, Mirela Kumbaro u shpreh sot se, ky destinacion, si një prej më të vizituarve të zonave të mbrojtura gjatë gjithë vitit, do të ketë shënjimet e nevojshme për të gjithë të pasionuarit pas natyrës dhe ecjes. “Jo pak por 23 kilometra shtigje të Parkut Kombëtar të Llogorasë janë tashmë të pastruara dhe të pajisura me sinjalistikë informuese, orientuese dhe edukuese”, theksoi Kumbaro në një postim në rrjetet sociale. “Si një prej destinacioneve më të vizituara të zonave të mbrojtura gjatë gjithë vitit do të ketë shënjimet e nevojshme për të gjithë të pasionuarit pas natyrës dhe ecjes, duke ia bërë kujtdo më të lehtë e të sigurt rrugën brenda parkut”, tha Kumbaro.
- Advertisment -