Ministrja e Arsimit dhe Sportit, Evis Kushi së bashku me përfaqësuesit e projektit Team Europe, uruan 19 studentët shqiptarë, fitues të programit master më prestigjioz të financuar nga BE, “Erasmus Mundus Joint Master Degrees”. Ky është vetëm fillimi i studimeve të tyre master në Evropë, ku ata do të mësojnë dhe zhvillohen në një mjedis ndërkombëtar.
Pas fjalës përshëndetëse të të Ngarkuarit me Punë në Delegacionin e BE-së në Shqipëri Alexis Hupin, ministres së Arsimit dhe Sportit, Evis Kushi dhe përfaqësuesve të rrjetit “Erasmus”, studentët morën edhe nga një certifikatë për të shënuar arritjen e tyre. “Frymëzuese të shohësh të rinj të tillë të talentuar që përfaqësojnë vlerat më të mira të Shqipërisë në të gjithë Evropën”, tha Kushi.
