100 milionë eurosh për refugjatët ukrainas në Bullgari

Komisioni Evropian miratoi fondin prej 37,4 milionë eurosh për Bullgarinë, si një vend anëtar i BE-së që ka pranuar një numër të konsiderueshëm refugjatësh ukrainas, njoftoi sot përfaqësia e Komisionit Evropian, në Sofje në një deklaratë për shtyp. Financimi u sigurua në kuadër të Veprimit të Kohezionit për Refugjatët në Evropë (CARE), një instrument që u mundëson shteteve anëtare dhe rajoneve të ofrojnë mbështetje urgjente për ukrainasit që ikin nga pushtimi rus. Burimet financiare për Bullgarinë erdhën në kuadër të Mjedisit të Programit Operativ (15,6 milionë euro) dhe Programit Operacional ”Qeverisja e Mirë” (21,8 milionë euro), nga Fondi Europian i Zhvillimit Rajonal (13,3 milionë euro) dhe Fondi Social Europian (18,5 milionë euro); 5,6 milionë euro janë siguruar në bashkëfinancim kombëtar. Rreth 37 milionë euro të tjera pritet të miratohen në javët në vijim në kuadër të Programit Operativ për Inovacionin dhe Konkurrueshmërinë. Financimi “CARE” do të ndihmojë në mbulimin e shpenzimeve për nevojat e refugjatëve ukrainas për strehim dhe ushqim. Kjo ndarje plotëson 26 milionë euro të miratuara në verën e vitit 2022 në kuadër të Ndihmës së Rimëkëmbjes për Kohezionin dhe Territoret e Evropës (REACT EU) për integrimin e refugjatëve në tregun e punës dhe sigurimin e ushqimit dhe ndihmës materiale bazë.https://ata.gov.al/2022/10/25/bruksel-be-miraton-fondin-prej-100-milione-eurosh-per-refugjatet-ukrainas-ne-bullgari/