100 000 rusë ikin në Kazakistan pas shpalljes së mobilizimit

Dhjetëra mijëra rusë janë larguar nga vendi që pas shpalljes së vendimit për një mobilizim të pjesshëm të ushtrisë ruse pothuajse një javë më parë. “Sipas agjencisë Interfax, rreth 98 000 qytetarë rusë kanë hyrë vetëm në Kazakistan që nga 21 shtatori”, njoftoi sot Departamenti i Migracionit i Ministrisë së Brendshme të Kazakistanit. Mbi 8 000 rusë u pajisën me një numër personal identifikimi, i cili është një parakusht për regjistrimin dhe hapjen e llogarive bankare në vendin e Azisë Qendrore. Që nga fillimi i prillit, mbi 93 000 qytetarë rusë janë pajisur me numra identifikimi dhe mbi 4000 të tjerë kanë marrë leje qëndrimi në Kazakistan. Rusia nisi luftën e saj kundër Ukrainës më 24 shkurt. Presidenti rus, Vladimir Putin kërkon të mobilizojë rreth 300 000 ushtarë rezervë për të kontrolluar territoret e pushtuara në Ukrainë.https://ata.gov.al/2022/09/27/moske-100-000-ruse-ikin-ne-kazakistan-pas-shpalljes-se-mobilizimit/